Aldrei aftur Íslandsgrís

Þar sem að það er krepputíð hef ég verið að prufa mig áfram með eldamennskuna og ákvað að prufa svínasteik frá Íslandsgrís.
Við erum 3 fullorðin að borða og ég keypti í 632gr af kjöti sem að átti að vera nægjanlegt ca 200 gr á einn. Kílóið kostaði 2298 og var 50% afsláttur af þessu í Bónus....
En allavega ákveð ég að elda þetta og gerði ráð fyrir smá rýrnun mesta lagi 10% þar sem að það má sprauta 10% próteini í kjöt á íslandi.
Þegar ég tek út steikurnar fannst mér þær svoldið litlar og ákvað ég að vigta kjötið aftur. Eldunartíminn var 15 mín á 180gráðum í ofni.

KJÖTIÐ VAR 632 GRÖMM, eftir eldun var það 330 grömm, það hvarf þannig að við 3 fengum 100grömm á mann.

Mig langar að vita eftifarandi:
Er þetta eðlilegt?
Haldið þið að ég kaupi aftur kjöt frá Íslandsgrís?
Er þetta góð markaðssetning?
Hvaða rétt hef ég sem neitandi?
Hvað varð um afsláttinn minn ef að ég þarf að kaupa 400gr af kjöti á mann frá Íslandsgrís...

Baugur á haga hagar eiga ferskar kjötvörur sem framleiða íslandsgrís... ekki var hægt að finna email á þessi/þetta fyrirtæki og vona ég að fólk hætti að kaupa í bónus, hagkaup, 10/11 þar sem að ekki er hægt að sjá á vörunum hver er framleiðandinn í þessu tilviki er það væntalega HAGAR=BAUGUR= og svo framvegins

En ég er búin að læra eitt... Íslandsgrís kaupi ég aldrei aftur
Kristjana Birgisdóttir

SVAR:

Sæl Kristjana
Takk kærlega fyrir ábendinguna en við urðum hálf hvumsa þegar við lásum þetta og skiljum að þú hefir ekki verið ánægð en við fórum auðvitað og steiktum hér hjá okkur í morgun og tókum prufu því þetta var ekki að passa miða við það sem við vissum.
Við hitun í Ofni á 180°c þá tekur það ca. 8-10 mín að steikja kjötið og er þá rýrnun rúmleg helmingi minni en það sem þú ert að upplifa en ég skil vel að þú viljir hafa kjötið aðeins brúnt(brasað) og við þá steikingu þá rýrnar kjötið meira og verðu þurrt en þetta er auðvitað smekksatriði hjá hverjum og einum.
þessi vara er betri til þess fallin að steikja á pönnu eða grill og það gerðum við einnig og það tók 2,5 mín á hvorri hlið og kjötið rýrnaði mun minna heldur en í ofninum(læt fylgja með myndir af steikingu í ofni og á pönnu).
Það má segja að okkar feill sé að við erum ekki með matreiðsluleiðbeiningar með þessari vöru þar sem kæmi fram að best væri að steikja á pönnu eða á grilli eins og svo mörgum vörum sem við erum að framleiða en það verður bætt um betur og við setjum þessar leiðbeiningar á miðann framvegis.
Ég vil fyrir hönd okkar hjá Ferskum Kjötvörum biðja þig afsökunar á að þessar eldunarleiðbeiningar vantaði en um leið þakka þér fyrir ábendinguna.
Það mun maður á okkar vegum hafa samband og bæta þér þetta og vona ég að þú sjáir þér fært á að halda áfram að kaupa okkar vörur.

Með Kveðju
Leifur Þórsson
Ferskar Kjötvörur - Framkvæmdastjóri