mánudagur, 12. október 2009

Verðlag á barnavörum

Bara smá hugleiðing varðandi barnavörur. Núna er að fara að koma nýr krakki á heimilið og því þarf að kaupa margt varðandi það. Ég hef nú lúmskan grun um að þeir sem stunda verzlun með þær vörur notfæri sér viðvarandi ástand sem afsökun fyrir okurverði á öllum sköpuðum hlutum hvað varðar vörur á þessu sviði. Ég keypti hlífðarkant á barnarúmið sem kostaði mig 2990 kr árið 2004 þegar eldri sonur minn fæddist en af því að sá gamli eyðilagðist, þá neyddist ég kil að kaupa mér nýjan. Og núna árið 2009 þegar sama draslið er keypt kostaði það mig 10.999 krónur!
Þetta er bara lítið dæmi um alla skapaða hluti. Eins og bleyjurpoki sem kostaði að mig minnir 700-1000 krónur eru nú á 2.300 krónur. Blautþurkurnar kosta í dag 500 eða 600 kall en áður kostaði þetta í kring um 300 eða 400 kall. Barnabílstóll sem kostaði 20.000 kostar í dag 40.000 og allt upp í 60.000 krónur og allt er þetta í nafni kreppunnar. Svo eins með barnavagna sem fyrr á tímum kostuðu 40.000 kosta orðið upp í hundraðþúsund kall eða meira. Þetta er bara rugl.

7 ummæli:

  1. Miðað við að gengið hefur fallið um 100% eða hvað það er, þá er þetta nú ekki svo furðulegt. Eflaust eru þó mörg dæmi um það að menn hækki meira en þeir þyrftu að gera.

    SvaraEyða
  2. Það er bara ömurleg staðreynd að allt verðlag á Íslandi er komið út úr öllu korti.Íslenskar vörur hækka líka og flestir ef ekki allir framleiðendur og innflutningsfyrirtæki taka þátt í þessu helv.... svínaríi!!!!

    SvaraEyða
  3. Hvað er svona íslenskt við "íslenskar" vörur. Ora er allt saman meira og minna að ég held innflutt og pakkað hér á landi. Hráefnið í ísframleiðslu er nánast allt erlendis frá og svona mætti lengi telja.

    SvaraEyða
  4. Ora er ekki einu sinni allt pakkað hér á landi, til dæmis koma Ora Sperglar ALVEG tilbúnir til Íslands og er þeim ekið úr skipinu í upp í Íslensk-Ameríska og þaðan í búðir. Við þessa millilendigu hækka þessi vara um helling, því auðvitað taka þeir sinn skerf af því að flytja inn þessa "íslensku" vöru.

    SvaraEyða
  5. Það er hægt að fá ódýrari hlífðarkant á barnarúmið (þ.e. ef þú ert að meina svona rimlahlíf) í IKEA. Tæpar 3.000 kr. Keypti svoleiðis á rúmið fyrir barnið mitt en það náði reyndar ekki allan hringinn svo ég lét bara vera opið í endann. Svo eru Euroshopper bleyjurnar í Bónus á einhvern 1.500 kall. Þannig að þetta þarf ekki að vera svo dýrt. En ég er ekki að segja að barnavörur séu eitthvað ódýrar í dag, þvert á móti.

    SvaraEyða
  6. Euroshopper bleyjurnar eru í dag á ca.1600kr pr.pakki og blautþurkur frá sama framleiðanda á 198 kr pr.pakki með 72 þurrkum í. Rúmfatalagerinn er með ódýrar barnavörur, fatnað, rúmföt, hlífðarkanta kerrur, vagna og fl.

    SvaraEyða
  7. Lán allt að $ 500.000 og lánalínur allt að $ 100.000
         Einföld umsókn, ákvarðanir í mínútum
         Fjármögnun eins hratt og ein virkur dagur ef þú ert samþykkt
         Sölutrygging byggð á viðskiptasjóðstreymi, viðskipta- og persónulegum lánsfé
         Hafðu samband við okkur
        Tölvupóstur: atlasloan83@gmail.com
        whatsapp / Hangout + 14433459339
        Atlasloan.wordpress.com

    SvaraEyða