fimmtudagur, 8. október 2009

Staðgreiðsluafsláttur í Einari Farestveit

Mig langar aðeins að ræða um staðgreiðsluafslátt. Ég versla aðeins með debetkorti og út af því að ég geri það þá er ég að minni vitund að staðgreiða vörurnar sem ég versla.
Á föstudag var ég í verslunarferð og ákvað að kaupa mér glerskál fyrir Kitcen Aid hrærivélina mína. Eftir að hafa athugað í ýmsum verslunum komst ég að því að eini staðurinn sem seldi slíkar væri umboðsaðilinn á Íslandi, Einar Farestveit & Co.
Þegar ég fór að greiða fyrir vöruna (voru 17.100 kr að mig minnir) spurði ég hvort að það væri ekki staðgreiðsluafsláttur á þessum kaupum því ég greiddi með debetkorti.
Fékk ég dónalega svarað tilbaka að öll verð væri miðuð við staðgreiðslu.
Þá spyr ég... Ef ég hefði borgað með kreditkorti, hefði ég þá þurft að greiða hærra verð?!?!?! Það er eitthvað sem segir mér að svo sé ekki. Í mínum huga á ég rétt á afslætti því fyrirtækið fær greisluna stax og þarf ekki að greiða % af færslunni
Er þetta rökrétt svar við minni spurningu í samb við afslátt????? Mér finnst eins og það sé verið að svíkja mig.
Þórhildur Löve

17 ummæli:

  1. Ég hef nú bara aldrei orðið var við að borga lægra verð á einum einasta stað þegar ég borga með debetkorti (nota ekki kredit). Og aldrei hefur það hvarlað að mér að ég ætti "rétt" á afslætti - ég borga væntanlega bara það verð sem gefið er upp í búðinni, hvorki meira né minna.

    SvaraEyða
  2. Það er EKKI hægt að staðgreiða með korti, hvort sem það er kredit eða debit!!Fyrirtæki borga fyrir að vera með posa og það er misjafnt hvað þau borga mikið fyrir hvert kort, er til dæmis rándýrt að taka á móti American Express! En það er líka rukkað verslanir fyrir að taka á móti debet og þar með er þetta ekki staðgreiðsla!Virkar sem íslendingar skilja ekki að staðgreiðsla þýðir að nota seðla, að borga einhverjum beint, á staðnum, milliliða laust!!

    SvaraEyða
  3. Það var þannig í mörgum raftækjaverslunum að ef þú borgaðir með debetkorti / peningum þá var staðgreiðsluafsláttur.
    Man þegar Elko kom á markaðinn þá skipti engu máli þótt borgað var með kreditkorti eða ekki.
    Og þeir voru nær alltaf ódýrari, þótt maður bar saman við verð annarstaðar með staðgreiðsluafsl.

    Annars eru margar verslanir hættar að standa í þessu.

    SvaraEyða
  4. Ég fæ alltaf 5% staðgreiðsluafslátt í Tónastöðinni þegar ég borga með debet.

    SvaraEyða
  5. þetta er náttúrulega soldið kjánalegur hugsanaháttur, ''Í mínum huga á ég rétt á afslætti því fyrirtækið fær greisluna stax og þarf ekki að greiða % af færslunni'' fyrirtæki og verslanir ráða því algerlega sjálfar hvort þær veiti staðgreiðslu afslátt eða ekki og þessi hugsanaháttur að þú eigir RÉTT á því að fá afslátt er bara tjah hreinlega veit ég ekki hvað á að segja en asnalegur,kjánalegur kemur fyrst uppí hugann...

    SvaraEyða
  6. Heimtar þú þá ekki líka staðgreiðsluafslátt á bensínstöðinni og í matvöruverslunum, í apótekinu. Nei ég held ekki, en það er alltaf hægt að djöflast í sérvöruverslunum.

    SvaraEyða
  7. Hér á landi ríkir sú venja að merkt verð er lokaverð, nema tekið sé fram t.d. afsláttur við kassa. Þegar kemur að greiðslu taka menn að jöfnu íslenska gjaldmiðla, seðla, klink, debet- og kreditkort. Samningar um hvaða gjaldmiðil eigi að nota til greiðslu eiga því varla rétt á sér, nema etv þegar um margfalt hærri upphæð er að ræða en hér kemur fram.

    SvaraEyða
  8. svona sérverslarnir eins og Einar Far. hafa sko alveg ef á því að gefa staðgreiðsluafslátt nóg er nú lagt á vöruna,það veit ég vel!

    SvaraEyða
  9. Borgun og Valitor taka líka prósentu af debet kortum, bara mun minna en af kredit kortum.

    Svo þurfa sum fyrirtæki að borga aukalega færslugjald fyrir hverja færslu sem fer í gegnum posakerfi.

    SvaraEyða
  10. Sá sem ekki biður um staðgreiðsluafslátt er bjáni. Í lang felstum tilvikum færðu í það minnsta 5% afslátt ef þú greiðir með debet korti.

    SvaraEyða
  11. Sumt fólk sem er að vinna sem afgreiðslufólk í verslunum hefur engan rétt á að gefa afslætti. Mér finnst þetta einn sá alversti dónaskapur að biðja um afslátt og tala tala ég nú ekki um að eiga RÉTT. Hvað heldur fólk að það sé, ég er að vinna í verslun og hika ekki við að labba útúr stórum dílum ef fólk er með svona afsláttarvæl. Sem skilar sér í hærri framlegð af hverjum og einum.

    SvaraEyða
  12. "hika ekki við að labba útúr stórum dílum ef fólk er með svona afsláttarvæl. Sem skilar sér í hærri framlegð af hverjum og einum." - haha! þetta er svakalega mikil heimska, jáá skilar sér í meiri framlegð af hverjum og einum en miklu færri dílum, sem þýðir minni heildarframlegð! Ekki flókin stærðfræði vinur...

    SvaraEyða
  13. Fólk sem er með dónaskap þegar það biður um afslátt fær yfirleitt ALDREI afslátt. Spurjið bara hvaða sölumann eða starfsmann verslunar sem er.

    Var að vinna í verslun og ef fólk var virkilega almennilegt og spurði mjög kurteisislega um afslátt og var ekki með dónaskap þá henti maður kannski einhverju aukalega með.

    Finnst það alltaf jafn aulalegt og fæ alltaf kjánahroll þegar fólk heimtar með leiðindum "sinn" staðgreiðsluafslátt.

    SvaraEyða
  14. Þetta er ekkert flókið mál... Það þarf ekkert að vera með dónaskap.

    Spurjið bara: "Er staðgreiðsluafsláttur?" og þá svarar sá sem afgreiðir já eða nei.

    Debet kort eru oftast talin sem staðgreiðsla þar sem peningurinn leggst beint inn á reikning verslunar eftir daginn. Kreditkortin borgast ekki út fyrr en 30-60 dögum eftir á og eru verslanir því að tapa vöxtum/veltu á að fá borgað með kreditkorti framyfir debet.

    Debet: 1,4% þóknun á hverri færslu og leggst inn strax
    Kredit: 2,7% þóknun og leggst inn 30-60 daga eftir á.

    Ég get 5% stgr afslátt með glöðu geði ef fólk borgar með peningum eða debet.. En ég gef ekki afslátt nema fólk biðji um það.

    SvaraEyða
  15. Tek það fram að prósenturnar sem ég skrifaði í þóknanir í færslunni á undan eru bara eitthvað ca. munað eftir bestu vitund. Fer að sjálfsögðu líka eftir fyrirtækjum hversu góðan díl þeir eru með hjá kortafyrirtækjunum.

    SvaraEyða
  16. Hjá mörgum verslunum er sama reglan með kreditkortin og debetkortin, þ.e. verslunin fær greitt eftir daginn.

    SvaraEyða
  17. Þetta fyrirtæki einar farestveit & co Borgartúni 28 er kitchen aid til skammar, ég og unnustan mín fórum þarna og ætluðum að versla ristavél og vöfflujárn, okkur var ekki boðið góðan daginn né aðstoð, og þegar við spurðum hvort þetta væru allar tegundirnar af vöfflujárnum sem voru 4 tegundir þá fengum við bara hroka svör og dónaskap á móti, og munum við aldrei fara þarna inn aftur, og mumum við dreifa þessu útum allt

    SvaraEyða