Undarlegur afsláttur í World Class

Ég var að skrá mig á Crossfit námskeið (4 vikur) hjá World class þar sem ég
er nú þegar viðskiptavinur. Almennt verð á þetta námskeið er 21.900 kr. Ég
fæ 5.280 kr í afslátt vegna þess að ég er með ótímabundin samning við
stöðina og borga 6.149 kr á mánuði í áskrift.
Þar sem ég borga alltaf 6.149 kr á mánuði er ég að borga 22.769 kr sem er
869 kr meira en þeir sem eru ekki viðskiptavinir World class...
Kv. Agnes

Reynslusaga af Baðhúsinu

Langar að deila með ykkur reynslu minni af Baðhúsinu, í von um að geta komið í veg fyrir að fleiri lendi í því sama.
Í ágúst 2010 fór ég ásamt vinkonu minni niður í Baðhús því nú skyldi komið sér í form. Vinalegur maður tók á móti okkur og kynnti okkur alls kyns freistandi tilboð. Við ákváðum loks að taka tilboði sem að hljóðaði upp á 12 mánuði af líkamsrækt. Þessi samningur myndi síðan bara renna sjálfkrafa út að þessum 12 mánuðum liðnum, ef við endurnýjuðum hann ekki. Svona kynnti þessi vinalegi maður okkur samninginn.
Okkur leyst svona líka vel á það, svo við skrifuðum undir. Höfðum enga ástæðu til að vantreysta þessum manni, hann var jú starfsmaður fyrirtækis sem hafði gott orð á sér. Næstu mánuði æfðum við þarna, greiddum samviskusamlega fyrir hvern mánuð og létum vel af.
Í júlí 2011 fór ég út á land í sumarfrí og kom aftur í ágúst sama ár. Ég var ekki alveg að koma mér aftur í líkamsræktargírinn svo ég fór ekkert aftur í Baðhúsið. Sem hlaut að vera í lagi, þetta var 12.mánuðurinn og ég hafði ekki endurnýjað samninginn svo að hann hlaut að vera bara útrunninn, eins og maðurinn sagði. Ég fékk samt sem áður rukkun frá þeim, en taldi að um mistök væri að ræða svo ég aðhafðist ekkert frekar.
Í september kom önnur rukkun, og svo önnur, uns mér fóru að berast innheimtuskröfur frá Motus. Þar sem ég skildi ekki hvað var verið að rukka mig um, vissi ekki betur en að samningurinn væri útrunninn, hafði ég því samband við Baðhúsið því mér datt helst í hug að samningurinn hefði endurnýjast sjálfkrafa, og maðurinn hefði gleymt að segja mér frá því.
Þá kom í ljós að á þessum samningi var 3ja mánaða uppsagnafrestur sem ENGINN hafði minnst á. Ég hefði þar af leiðandi átt að segja upp á 9.mánuði. Vinalegi maðurinn hafði semsagt ekki gleymt að minnast á það, hann einfaldlega laug því blákalt að okkur að við værum að skrifa undir samning sem að rynni sjálfkrafa út að 12 mánuðum liðnum. Svo vegna þess að ég treysti þessum manni til að sinna sínu starfi að þá skrifaði ég undir, og sit nú uppi með ítrekanir frá Motus og skuld til næstu 3ja mánaða, skuld fyrir 3 mánuði sem að ég er ekki að nýta mér hjá þessu fyrirtæki.
Allt vegna þess að vinalegi maðurinn taldi það í góðu lagi að segja mér bara það sem best hljómaði. Ég las því miður ekki smáa letrið. Hann sagði mér ekki frá þessu smáa letri. Mín mistök. Ég sagði formlega upp hjá þeim í október, skrifaði undir uppsagnarpappír og hélt að það dygði. Nei ég þarf að borga fram í janúar 2012 og ég hef ekki stundað líkamsrækt þarna síðan í júlí 2011. Ég þarf að borga því að maðurinn laug að mér og ég asnaðist til að trúa honum.
Ég hafði enga ástæðu til að vantreysta honum svo ég skrifaði undir án þess að lesa fyrst. Þetta er tapaður peningur fyrir mig, peningur sem skiptir fyrirtækið sjálfsagt litlu, en skiptir mig miklu máli. Ég fæ þennan pening ekki til baka en ég er að vona að með þessari frásögn get ég varað aðra við, og komið í veg fyrir að aðrir geri sömu mistök og ég og vinkona mín. Svo mín skilaboð eru einföld: Ekki trúa orði sem þér er sagt þegar þú kynnir þér tilboðin hjá þeim, sittu frekar í klukkutíma eða lengur og lestu samninginn niður í minnsta letur. Það margborgar sig. Það er alltaf smáa letrið. Þau kjósa frekar að segja þér það sem best hljómar.

Kv. Verulega óánægður viðskiptavinur !

Ein upphífingarslá, tvö verð

Hreysti og Choke bjóða báðar uppá Iron gym upphífingarslá:

http://www.choke.is/is/vara/-iron-gym-total-upper-body-workout-bar

http://www.hreysti.is/?item=605&v=item

Choke selja sína á 6 og fimm

á meðan Hreysti bjóða þér hana á 9

Kv, SS

Líkamsræktarkortin endalausu

Mig langar að vara fólk við sem kaupir sér kort hjá sporthúsinu og lætur draga mánaðarlega af sér upphæðina sem því nemur. Ég keypti mér skólakort í september 2008 sem átti að gilda í 10 mánuði og kostaði mig 2990 kr í mánuði. Í júlí átti seinasta greiðslan mín að vera en í byrjun ágúst fæ ég 11 rukkunina og upphæðin allt í einu orðin 3590.
Þar sem ég (og eflaust meirihluti fólks) las ekki samninginn nógu vel þarf ég að borga af þessu korti í aðra 3 mánuði þvi ég sagði því ekki upp á 6.mánuði og 500 kr meira en upphaflega, svo þeir gefa sér grænt ljós fyrir að hækka gjaldið eftir að eiginlega binditímanum líkur. Núna vildi ég óska að ég hefði staðgreitt þetta því þá væri ég laus alla mála, svo sporthúsið er í raun að mismuna og blekkja fólk sem greiðir ekki með peningum og lokka að asna eins og mig sem fatta ekki að 10 mánaða kort sé endalaust ef maður segir því ekki upp. 10 mánuðir eru 10 mánuðir. ... Ég vona bara að fólk skoði yfirlitin sín því þeir græða mikið á því að hafa þetta bara rúllandi.
Ég hringdi og talaði við miög óliðlegan sölufulltrúa um þetta mál og lýsti yfir gremju minni sem sagði "jahh, svona er þetta bara".
Kæra fólk, lesið samninginn ykkar vandlega og munið að segja upp með 3 mánaða fyrirvara ef þið viljið hætt áður en kortinu líkur er boðskapurinn með þessum skrifum mínum.
Óska nafnleyndar

Fáranleiki hjá Hreyfingu

Það er rúmt ár síðan ég keypti mér líkamsræktar kort þá voru 2 vikur
fra því að ég átti 25 ára afmæli. Ég var á 3. ári í Háskóla en fékk
ekki skólaafslátt sökum þess að ég var of gamall.
Þetta þykir mér frekar fárnalegt og vildi benda á þetta, sérstaklega
vegna þess að helmingur nemenda sem var í árgangi mínum var orðinn 25.
ára er ég viss um að þetta sé ekki eins dæmi.
Enda er mastersnám til 5 ára og doktorsnám lengra, ætti það fólk ekki
að fá skóla afslátt.
Gildir þetta bara fyrir þá sem fóru í háskóla beint eftir stúdent og
ætluðu að hætt að mennta sig eftir BS- eða BA gráðu.

Tekið af hreyfing.is:
Skóla aðild (16-24 ára)
Aðgangur að heilsurækt og úti aðstöðu
2ja mán binditími 4.500 kr á mánuði
Skila þarf inn staðfestingu á skólavist við undirritun samnings.

Högni