Ég fékk lítinn kettling um daginn og langaði að kaupa handa
honum svona bast körfubúr, ég fór í Dýraríkið og fann þar eitt sem
kostaði rúmar 12 þúsund krónur, fannst það heldur mikið og fór þá í
Dýrabæ, Hlíðarsmára. Þar fann ég alveg eins körfubúr, sömu stærð og
allt, en á einungis rúmar 5 þúsund krónur. Langaði bara að koma þessu
okri á dýravinum á framfæri.
Elísabet
Ég setti þennan pistil inn á bloggið mitt, bjorgarna.blog.is, en ég ákvað að senda ykkur hann líka á okursíðuna:
Er verið að okra á okkur?
Ég er ein þeirra sem þarf að nota ýmsar vörur í staðinn fyrir mjólkurvörur. Ég komst að því fyrir þó nokkuð löngu síðan að ég kýs frekar að nota hrísgrjónamjólk en soyamjólk. Hrísgrjónamjólk hefur reyndar alltaf verið dýrari en soyajólk en ég hef látið mig hafa það hingað til.
Er verið að okra? Fyrir svona ári síðan kostaði hrísgrjónamjólk á bilinu 200-250 kr. eftir því hvar hún var keypt. Núna var ég að reka augun í það að í Bónus kostar hún 398 kr!!! Það er næstum tvöföldun á verði. Annars staðar er hún komin vel yfir 400 kr. Mér varð svo mikið um að ég fór að reikna út hvort þetta gæti mögulega verið rétt svona m.v. hvað hefur gerst í verðbólgu og gengismálum.
Mjólkin sem ég hef verið að nota er framleidd í Hollandi svo ég fann út gengi evrunnar fyrir ári síðan og svo gengið í dag. Ef ég bætti ofan á gengishækkunina 18% verðbólgu fyrir allt árið þá passar þetta verð. En þetta er reiknað ofan á útsöluverð og það var ekki svona há verðbólga allt síðasta ár! Það er greinilega verið að taka sér nokkrar auka krónur þarna á minn og annara kostnað!
Sama varan? Annað sem ég tók líka eftir þegar ég fór að rýna í þessi mál. Ég á tvær uppáhalds tegundir; Önnur heitir held ég Lima en hin Rice Dream. Mér hefur alltaf fundist þær alveg eins, léttar og ferskar á bragðið. Lima hefur verið ívið ódýrari svo ég fór að athuga efnainnihald. Viti menn: Það er nákvæmlega sama efnainnihald í þeim - alveg uppá milligramm! Ekki bara það heldur er uppsetningin á listanum nákvæmlega eins. Eini munurinn er sá að það er sitt hvort letrið á umbúðunum. Þetta fannst mér skrýtið.
Skrýtnara varð málið þó þegar ég las upplýsingar um framleiðendurna: Jújú... sitt hvor framleiðandinn, báðir í Hollandi... EN..... við sömu götu og í húsum hlið við hlið!! Annar í húsi númer 9 en hinn númer 11!!
Getur verið að það sé kannski verið að selja manni NÁKVÆMLEGA SÖMU VÖRUNA Á SITT HVORU VERÐINU????
Mér finnst vont að sjá að ég hef verið höfð að fífli.
Ég er hætt að nota hrísgrjónamjólk og er farin að nota soyamjólk. Soyamjólkin hefur, þrátt fyrir að vera framleidd í Hollandi rétt eins og hrísgrjónamjólkin, ekki hækkað nema um rétt rúman 50 kall. Ætli það sé öðruvísi evra og verðbólga hjá soyjavörum en hrísgrjóna? Hvað á maður að halda?
Bestu kveðjur,
Björg Árnadóttir.
Ég fór inn í Snæland vídeo á Reykjavíkurveginum áðan og keypti handa mér og stráknum mínum sinn hvorn shake (lítill 320 kr og miðlungistór 440 kr) og tek eftir því við gerð mjólkurhristinganna að í þá fór: ísblanda, bragðefni og VATN!! Fyrir langa löngu vann ég þarna sjálf og vissi að notuð var sérstök shakeblanda sem var þynnri en ísblandan en spurði ósköp sakleysislega hvort ég hefði virkilega séð rétt að ég væri að borga fyrir vatnsþynntan ís og fékk svarið Já, í staðinn fyrir g-mjólk. Af því að þarna eru kæliskápar undir öllu auk þess sem þarna eru kæliskápar fyrir gos og aðrar kælivörur þá er nægt rými fyrir mjólk sem helst köld og fersk og hægt er að þynna shake út með því. En að þynna ísblöndu með vatni og kalla shake finnst mér hálfþunnur þrettándi enda var vatnsbragð af minni mjólkur/vatnshristingnum.
Kveðja,
Soffía
Síminn auglýsir grimmt þessa dagana um “aðgerðaáætlanir” fyrirtækisins fyrir fólkið í landinu. Mér er spurn eru ekki til lög um villandi auglýsingar? Allavega er stundum verið að refsa ferðaskrifstofum fyrir villandi tilboð, en tilboðin frá símanum eru einstaklega villandi og jafnvel röng en eflaust láta einhverjir blekkjast.
“Fyrir þá sem hringja oft í heimasíma úr GSM símanum er Núll í alla heimasíma fyrirtaks sparnaðarleið” en neðanmáls stendur 1.290.- á mánuði.
Sex vinir óháð kerfi. “Þetta er kjörin leið fyrir þá sem nota farsímann langmest til að hringja og senda SMS í sama hóp vina og ættingja. Hægt er að velja sex GSM símavini, óháð því hvort þeir eru innan kerfis Símans eða viðskiptavinir annarra farsímafélaga”. Neðanmáls stendur 1.990.- á mánuði.Kveðjur bestar,
Elma
Vil benda á bloggsíðuna www.skuldlaus.blog.is sem er hún að mestu ætluð til stuðnings skulda- og kaupfíklum.
Og í dag upplifa margir þá þörf að fá hugarró og styrk gegn þeim ógnum sem að okkur steðja fjárhagslega.
Eins og sagt er, Besta leiðin til að græða pening, er að hætta að tapa honum.
Því miður virðumst við oftast tapa peningnum vegna skorts á yfirsýn, vökulum augum gegn okurverðum, sölutrixum og svo framvegis.
Með vinsemd og virðingu,
Haukur skuldafíkill
Ég þurfti blekhylki nr. 15 og 78 í HP-prentara. Ég kannaði verðið á nokkrum vefsíðum og niðurstaðan var eftirfarandi.
Elko 4.495 kr. 5.995 kr.
Tölvulistinn 4.990 kr. ekki til
Tölvutek 5.790 kr. 6.490 kr.
A4 5.790 kr. 6.890 kr.
Penninn 5.800 kr. 6.965 kr.
Office 1 6.490 kr. 7.490 kr.
Sigurður Einarsson
Heyriði mig nu. Það kom bara fyrir nuna I dag ( sunnudag ) að ég og kærasti minn vöknuðum eftir djamm og ég bað hann um að hringja I dominos og panta ,, þynnku pizzu‘’ Við ætluðum að fa okkur miðstærða pizzu með 3 áleggstegundum ( beikon, skinka og pepperoni ) og kjúklinga combo.
Þá segir strakurinn I simanum að það gerði samtals fjögurþúsund fjögurhundruð og eitthvað (4.450 kr. Minnir mig) þá missti ég andlitið og sagði bra veistu nei takk. Ég er ekki að fra borga 4450 kr fyrir pizzu og kartöflubáta!!!
Eg for svo að reikna ut því að eg veit að kjúklinga combo kostar 850 kr. Þannig að pizzan kostaði ekki meira ne minna en 3600 kr.!!!!!!!!!!!!!! Fyrir eina pizzu
Ég get alveg sagt það að ekki hef ég efni á að kaupa eina pizzu á 3600 kr. Eg held mig bra við mina skinku og osta samloku. Og hvet bra folk að
Esther
Þar sem að það er krepputíð hef ég verið að prufa mig áfram með eldamennskuna og ákvað að prufa svínasteik frá Íslandsgrís.
Við erum 3 fullorðin að borða og ég keypti í 632gr af kjöti sem að átti að vera nægjanlegt ca 200 gr á einn. Kílóið kostaði 2298 og var 50% afsláttur af þessu í Bónus....
En allavega ákveð ég að elda þetta og gerði ráð fyrir smá rýrnun mesta lagi 10% þar sem að það má sprauta 10% próteini í kjöt á íslandi.
Þegar ég tek út steikurnar fannst mér þær svoldið litlar og ákvað ég að vigta kjötið aftur. Eldunartíminn var 15 mín á 180gráðum í ofni.
KJÖTIÐ VAR 632 GRÖMM, eftir eldun var það 330 grömm, það hvarf þannig að við 3 fengum 100grömm á mann.
Mig langar að vita eftifarandi:
Er þetta eðlilegt?
Haldið þið að ég kaupi aftur kjöt frá Íslandsgrís?
Er þetta góð markaðssetning?
Hvaða rétt hef ég sem neitandi?
Hvað varð um afsláttinn minn ef að ég þarf að kaupa 400gr af kjöti á mann frá Íslandsgrís...
Baugur á haga hagar eiga ferskar kjötvörur sem framleiða íslandsgrís... ekki var hægt að finna email á þessi/þetta fyrirtæki og vona ég að fólk hætti að kaupa í bónus, hagkaup, 10/11 þar sem að ekki er hægt að sjá á vörunum hver er framleiðandinn í þessu tilviki er það væntalega HAGAR=BAUGUR= og svo framvegins
En ég er búin að læra eitt... Íslandsgrís kaupi ég aldrei aftur
Kristjana Birgisdóttir
SVAR:
Sæl Kristjana
þessi vara er betri til þess fallin að steikja á pönnu eða grill og það gerðum við einnig og það tók 2,5 mín á hvorri hlið og kjötið rýrnaði mun minna heldur en í ofninum(læt fylgja með myndir af steikingu í ofni og á pönnu)
Það má segja að okkar feill sé að við erum ekki með matreiðsluleiðbeiningar með þessari vöru þar sem kæmi fram að best væri að steikja á pönnu eða á grilli eins og svo mörgum vörum sem við erum að framleiða en það verður bætt um betur og við setjum þessar leiðbeiningar á miðann framvegis
Ég vil fyrir hönd okkar hjá Ferskum Kjötvörum biðja þig afsökunar á að þessar eldunarleiðbeiningar vantaði en um leið þakka þér fyrir ábendinguna.
Með Kveðju
Leifur Þórsson
Ferskar Kjötvörur - Framkvæmdastjóri
Fargjaldaskilmálar:
Lágmarksdvöl er aðfaranótt sunnudags
Hámarksdvöl er 1 mánuður
Síðasti heimferðadagur er 31. maí
Breytingar eru ekki leyfðar á tilboðinu, en hægt er að nýta tilboðið upp í skráð fargjald gegn breytingagjaldi kr. 13.000 auk fargjaldamismunar.
Enginn barnaafsláttur
Ferð verður að hefjast á Íslandi
Bókunarfyrirvari á fargjöldum aðra leið er 25 dagar
Takmarkað sætaframboð
