mánudagur, 7. maí 2012

ViðskiptaVINUR Tals?

Málið er það að ég hef verið viðskiptavinur TALS í langan tíma. En svo gerist það að ég gat ekki greitt reikning frá þeim með eindaga 2. Apríl síðasliðinn. Og ég er ekki enn búin að greiða hann út af ástæðu sem ég ætla ekki að ræða um hér. En viti menn, hvað hefur gerst í dag, 3ja maí. Krafan á hendur mér hefur aukist til mikilla muna, úr kr. 8.516 í 13.782, á aðeins einum mánuði og einum degi til viðbótar. Er einhver að tala um að það sé engin mafía hér. Og hversvegna er þetta gert svona? Jú sett var á sínum tíma reglugerð af manni fólksins sem hafði mikinn jöfnuð í huga. Og samkvæmt þessari reglugerð, sem reyndar var breytt aðeins seinna (en bara pínupons), er uppskriftin af því að ég er að fá svona mikla óávöxtun á skuld mína, og Tal fer eftir henni nákvæmlega, no mercy. En það er hægt að gera aðeins betur en þetta því að ef ég geri skriflegan samning á morgun um greiðslu þá má bæta við 2.700 krónum (íslenskum) til viðbótar. Og þá yrði skuldin aðeins 16.482 en helmingurinn af því er 8.241 sem er aðeins minni en höfuðstóllinn. Ég hef verið viðskiptavinur Tals í allan þennan tíma en í dag var mér tjáð að ekki væri hægt að fella niður innheimtugjöld, ekkert svoleiðis, engin minnkun, engin miskun. En hver vill vera viðskiptavinur félags sem beytir viðskiptavinum sínum svona þvingunum að það er búið að nærri tvöfalda reikninginn á innan við tveimur mánuðum? Já mér er spurn. Og við erum ekki að tala um að ég hafi keypt eitthvað af þeim einu sinni, nei þetta hefur verið viðvarandi samband. Það sem verra er að ég þarf að vera í viðskiptum við þá út þennan mánuð að því að ég get ekki farið fyrr. En að vera vinur TALs er ekki lengur í myndinni. Og tel ég að það þurfi að endurskoða notkun orðsins „viðskiptavinur“ á viðskipti milli neytenda og margra fyrirtækja því að það er alltaf verið að taka okkur í F****** R********, þurrt. Og þetta var í boði Auðar. Kveðja, fyrrum vinur

5 ummæli:

  1. Bíddu við og allt það, finnst auðvitað leitt að þú skulir lenda í þessu og vona að ég fái það ekki svona ósmurt í þegar hel-aumann neðri endann minn. Er sko með stökkbreytt fasteignalán til 40 ára sem ég tók ekki en á sko að borga af út æfina.

    En þetta sem þú lýsir er bara staðlað viðskiptamódel hér á skerinu.

    Færð tug þúsundir viðskiptavina á mánaðargreiðslur, skiptir ekki máli hvað það er, fjölmiðlar, fjarskipti, líkamsrækt, og svo býður þú út til feitrar lögmanna- og innheimtustofu alla innheimtu.
    Og þá meina ég alla innheimtu sem snýr að greiðslufalli þar sem vel er smurt.
    Það þarf ekki nema 1% mjólkurkúnna að lenda í þessu, gróðinn er alltaf vel feitur.

    Menn skyldu ekki gleyma að þeir kjósa helst bara lögfræðinga á þing. Síðan eru smíðuð lög sem eiga sér engann sinn líka á byggðu bóli hvað varðar innheimtu með smurningi fyrir allar feitu lögfræði- og innheimtustofanna.

    Nóg af vel smurðu til hér á landi. Á ja.is má slá inn "innheimta" og til baka koma 210 vel feitar lögmanna- og innheimtustofur. Ekki nenni ég að telja starfsmannafjöldann á þeim en þú hlýtur að sjá að þetta er bara business as usual.

    SvaraEyða
  2. Varstu búin að hringja og semja um greiðslu eða léstu skuldina bara dankast?
    Matthías

    SvaraEyða
  3. Þú ert í milliinnheimtu sem er það ódýrasta. Það eru góðar líkur að þú fáir ítrekun eftir 45 vanskil með svipuðum aukakostnaði. Eftir 90 daga fer þetta í löginnheimtu og þá bætist heill hellingur af aukakrónum við. Ég held þú ættir að bíta á jaxlinn og borga asap, þú þarft að gera það fyrir rest. Það er óþarfi að láta þá græða meira á þig en komið er.

    SvaraEyða
  4. Spurning um að færa "Frelsis" reikninginn eitthvað annað. -Engu að treysta þegar svona er böðlast á viðskipta"vinum".

    SvaraEyða
  5. Afsakið, en afhverju ættir þú ekki að þurfa að greiða reikningana þína á réttum tíma eins og allir hinir. Ef þú vissir að þú værir í vandræðum þá hefðir þú kannski geta sparað símareikninginn eða önnur útgjöld því þú vissir alveg að þessi 8.000,- króna reikningur myndi berast þér þessi mánaðarmót eins og öll önnur.

    Ef það væru ekki viðurlög fyrir því að borga reikninga á réttum tíma þá myndi enginn greiða á réttum tíma.

    Hins vegar má auðvitað deila um upphæðir á innheimtugjöldum, en þær þurfa auðvitað að vera einhverjar svo fólk finni fyrir þeim og svo hvatinn fyrir það að borga á réttum tíma hverfi nú ekki alveg.

    SvaraEyða